ഗ്രീന്‍സ് ന്യൂസ് ലെറ്റര്‍ 2009

ഇന്നു പ്രകാശനം ചെയ്ത ഗ്രീന്‍സ് ന്യൂസ് ലെറ്റര്‍ 2009 ന്റെ ജെ പി ജി രൂപത്തിലുള്ള പേജുകളാണ് ചുവടെ. പഴയ ലക്കങ്ങള്‍ ഉടനെ ലഭ്യമാക്കുന്നതാണ്.

ഗ്രീൻ വിഷൻ 2009 നാളെ തുടങ്ങുന്നു...

ഗ്രീൻ വിഷൻ 2009 പ്രകൃതി ഫോട്ടോ പ്രദർശനം നാളെ (ഓഗസ്റ്റ് 19 ബുധൻ) രാവിലെ 11നു തിരുവനന്തപുരം മ്യൂസിയം ഓഡിറ്റോറിയത്തിൽ നടക്കുന്നു. ഉദ്ഘാടക: ശ്രീമതി പി. വിജയകുമാരിയമ്മ

ഗ്രീൻ വിഷൻ 2009 ഫലം

ആറാമത് ദേശീയ പ്രകൃതി ഫോട്ടോഗ്രഫി മത്സരത്തിന്റെ ഫലം പ്രഖ്യാപിച്ചു. ജോഷി മഞ്ഞുമ്മേലിന്റെ (എറണാകുളം) ഡ്രിങ്കിങ് ഒന്നാം സ്ഥാനം കരസ്ഥമാക്കി. ആഷിഷ് ബത്തേരിയുടെ (വയനാട്) മദർ ആന്റ് ബേബിക്കാണ് രണ്ടാം സ്ഥാനം.
വിശദവിവരങ്ങൾ ഇവിടെ.

വിധിനിർണയ സമിതിയുടെ അഭിപ്രായം

മിക്കവാറുമെല്ലാം മികച്ച ചിത്രങ്ങളായിരുന്നു. സമ്മാനാർഹമായ ചിത്രങ്ങളുടെ തെരഞ്ഞെടുപ്പ് ഏകമാനസത്തോടെയായിരുന്നു ജൂറി നിർവഹിച്ചത്. എന്നാൽ 50%ത്തോളം ചിത്രങ്ങളുടെയും പ്രിന്റ് ക്വാളിറ്റി മോശമായിരുന്നു എന്ന അഭിപ്രായമുണ്ട്. വന്യജീവി ചിത്രങ്ങൾ കുറവായിരുന്നു. മിക്കവാറും എല്ലാ ചിത്രങ്ങളും ഡിജിറ്റൽ സഹായം തേടിയിട്ടുണ്ട്.

നീലക്കുറിഞ്ഞി വീണ്ടും പൂത്തു

കാലാവസ്ഥാ വ്യതിയാനം മൂലമാകാം, നീലക്കുറിഞ്ഞി വീണ്ടും പൂത്തിരിക്കുന്നു. വാർത്ത ജനയുഗത്തിൽ. (ജൂലൈ 24)

പച്ചക്കറി വിത്തു വിതരണം

പച്ചക്കറി വിത്തു വിതരണത്തിന്റെ വാർത്ത ജനയുഗം ജൂലായ് 24.

പച്ചക്കറിവിത്ത് വിതരണം

സെക്രട്ടേറിയറ്റ് ജീവനക്കാർക്കായി പച്ചക്കറിവിത്തുകളുടെ വിതരണം ഇന്നു നടക്കുന്നു. വെള്ളിയാഴ്ച ഉച്ചയ്ക്ക് 1.30ന് തിരുവനന്തപുരം വൈഎംസിഎ ഹാളിൽ ഗ്രീൻസ് സംഘടിപ്പിക്കുന്ന പരിപാടി സംസ്ഥാന

കൃഷിവകുപ്പുമന്ത്രി ശ്രീ. മുല്ലക്കര രത്നാകരൻ ഉദ്ഘാടനം ചെയ്യുന്നു

. പ്രിൻസിപ്പൽ അഗ്രിക്കൾച്ചർ ഓഫീസർ ശ്രീ. കെ.എസ്. ശശിധരൻ, അസി. ഡയറക്ടർ ഓഫ് അഗ്രിക്കൾച്ചർ ശ്രീമതി മിനി കെ. രാജൻ, അഗ്രിക്കൾച്ചർ ഫീൽഡ് ഓഫീസർ ശ്രീ. കെ. സുധാകരൻ നാടാർ എന്നിവർ പങ്കെടുക്കും. തുടർന്ന് പച്ചക്കറി വിത്തിനങ്ങളുടെ പാക്കറ്റുകൾ മുൻ കൂട്ടി രജിസ്റ്റർ ചെയ്തവർക്കു വിതരണം ചെയ്യുന്നു.

റ്റി.കെ. രാജൻ മെമോറിയൽ ഇന്റർ സ്കൂൾ ക്വിസ് 2009

ഗ്രീൻസിന്റെ റ്റി.കെ. രാജൻ മെമോറിയൽ ഇന്റർ സ്കൂൾ ക്വിസ് 2009 നഗരത്തിലെ ഒരു സംഭവമായി. ജൂലായ് 11ന് വെള്ളയമ്പലം ക്രൈസ്റ്റ് നഗർ സ്കൂളിൽ നടത്തിയ മത്സരത്തിൽ 83 ടീമുകൾ പങ്കെടുത്തു. ഒന്നാം സ്ഥാനം പട്ടം സെന്റ് മേരീസ് സ്കൂളിലെ ആനന്ദ് പി.വി.ആനന്ദ് ജസ്റ്റിൻ എന്നിവർ കരസ്ഥമാക്കി. രണ്ടാം സ്ഥാനം പോത്തങ്കോട് സ്കൂളിലെ ആര്യൻ പി. നായർപ് ആര്യ പി.ബി. എന്നിവരും വഴുതക്കാട് ചിന്മയ വിദ്യാലയത്തിലെ സൂര്യ ഗിരീഷും അരവിന്ദ് എ.ജെ.യും പങ്കുവച്ചു. കോട്ടൺഹിൽ ജി ജി എച്ച് എസ് എസിലെ ദേവിക എ. നായർ, അംബിക എം.എസ്. എന്നിവരുടെ ടീമിനാണ് മൂന്നാം സ്ഥാനം.

വിശദ വിവരങ്ങളും ഫോട്ടോകളും: ഇവിടെ

പരിസ്ഥിതി ദിനാചരണം: ചിത്രരചനയും വൃക്ഷത്തൈ‍ വിതരണവും

പരിസ്ഥിതി ദിനാചരണത്തിന് ഇത്തവണ മ്യൂസിയം - മൃഗശാല വകുപ്പും ഗ്രീന്‍സും കൈകോര്‍ത്തു. രാവിലെ 9 നു എൽ പി, യുപി, ഹൈസ്കൂളുകള്‍ക്കായി ചിത്രരചനാ മത്സരം മ്യൂസിയം കോമ്പൌണ്ടില്‍. ഉച്ചയ്ക്ക് 3നു വൃക്ഷത്തൈകള്‍ നട്ടുകൊണ്ട് വനം- വിദ്യാഭ്യാസ വകുപ്പുകളുടെ മന്ത്രിമാര്‍ പരിസ്ഥിതി ദിനാചരണത്തിന് ഉദ്ഘാടനം നിര്‍വഹിച്ചു. തിരുവനന്തപുരം മേയർ സി. ജയൻ ബാബു, കോട്ടണ്‍ഹില്‍ സ്കൂളിലെ വിദ്യാര്‍ത്ഥികള്‍ എന്നിവർ പങ്കെടുത്തു.

ചിത്രരചനാ മത്സരത്തിൽ നിന്നുള്ള ദൃശ്യം

മ്യൂസിയം കോമ്പൌണ്ടിലെ ഉദ്ഘാടന ചടങ്ങിൽ നിന്ന്




വിദ്യാഭ്യാസ മന്ത്രി വൃക്ഷത്തൈ നടുന്നു


വനം മന്ത്രി വൃക്ഷത്തൈ നടുന്നു

1000 വൃക്ഷത്തൈ വിതരണം

ഹരിതകേരളം പദ്ധതിയുടെ ഭാഗമായി സെക്രട്ടേറിയറ്റ് ജീവനക്കാര്‍ക്ക് ജൂണ് ആറിന് ഗ്രീന്‍സിന്റെ ആഭിമുഖ്യത്തിൽ 1000 വൃക്ഷത്തൈകള്‍ വിതരണം ചെയ്യുന്നതിന്റെ ഉദ്ഘാടനം ആസാദ് ഗേറ്റിനടുത്തുള്ള ആല്‍മരച്ചുവട്ടില്‍ ഉച്ചയ്ക്ക് 1.30ന് വനംവകുപ്പുമന്ത്രി ശ്രീ. ബിനോയ് വിശ്വം ഗ്രീന്‍സ് പ്രവര്‍ത്തക ശ്രീമതി ഷീലയുടെ മകള്‍ക്ക് ചന്ദനമരത്തൈ നല്‍കി നിര്‍വഹിച്ചു. നെല്ലി, തേക്ക്, ഞാവല്‍, കണിക്കൊന്ന, വേപ്പ്, മഹാഗണി, മാതളം, ചന്ദനം, മന്ദാരം, പതിമുകം, സപ്പോട്ട എന്നീ വൃക്ഷങ്ങളുടെ തൈകളാണ് വിതരണം ചെയ്തത്.

വനം മന്ത്രി ശ്രീ. ബിനോയ് വിശ്വം ഗ്രീൻസ് അംഗങ്ങളോടൊപ്പം വൃക്ഷത്തൈ വിതരണോദ്ഘാടനത്തിനു മുൻപ്




വൃക്ഷത്തൈ വിതരണോദ്ഘാടനം

വൃക്ഷത്തൈ വിതരണം
വൈഎംസിഎയിലെ ക്യൂ

മരമാണ് മഹാകാര്യം!

കൃഷ്ണൻ

കൃഷ്ണനു നിറഞ്ഞ ചിരിയും സന്തോഷവും. സ്വന്തം കാര്യം പോലെ അദ്ദേഹം ഓടിനടന്ന് സഹായിച്ചപ്പോള്‍ തെല്ലു കൌതുകം തോന്നാതിരുന്നില്ല. തൈ വിതരണം വൈഎംസിഎയിലാണ് നടത്തിയത്. അവിടത്തെ സെക്യൂരിറ്റി ജീവനക്കാരനാണ് കൃഷ്ണന്‍. വെറുതെ ചോദിച്ചു നോക്കി, എന്താണിത്ര ആവേശമെന്ന്.

കണ്ണുകളില്‍ നക്ഷത്രത്തിളക്കത്തോടെ മറുപടി: ഏഴെട്ടു വര്‍ഷം മുന്‍പ് ഗ്രീന്‍സ് ഇതുപോലെ തൈ വിതരണം ചെയ്തപ്പോള്‍ ഞാനും ഒരു ചാമ്പയും പേരയും കൊണ്ടുപോയിരുന്നു. ഇപ്പോഴവ നിറഞ്ഞു കായ്ക്കുന്നുണ്ട്.

ഇത്തവണയും എനിക്കൊരെണ്ണം വേണം. ഗ്രീന്‍സിന് കൃതാര്‍ഥതയുടെ നിമിഷങ്ങള്‍!

ഫോട്ടോകൾ: ജി. ശങ്കരനാരായണൻ

ഇന്റർ സ്കൂൾ ഗ്രീൻസ് ക്വിസ് 2009

തിരുവനന്തപുരം നഗരത്തിലെ 8,9,10 ക്ലാസുകളിലെ കുട്ടികൾക്കുള്ള ഇക്കൊല്ലത്തെ റ്റി.കെ. രാജൻ മെമോറിയൽ ഗ്രീൻസ് ക്വിസ് 2009, 11.07.2009ന് നടത്തുന്നു.

വിഷയം: പ്രകൃതി, പരിസ്ഥിതി, ജീവശാസ്ത്രം
സ്ഥലം: ക്രൈസ്റ്റ് നഗർ സ്കൂൾ, വെള്ളയമ്പലം, തിരുവനന്തപുരം
തീയതി: ജുലായ് 11 ശനിയാഴ്ച
രജിസ്ട്ട്രേഷൻ സമയം: രാവിലെ 9 മണി
ഒരു ടീമിൽ പങ്കെടുക്കാവുന്നത്: രണ്ടുപേർ (ഒരു സ്കൂളിൽ നിന്ന് ഒന്നിലധികം ടീമുകൾക്ക് പങ്കെടുക്കാവുന്നതാണ്.
ബന്ധപ്പെടേണ്ട നമ്പരുകൾ: 9495408922, 9446356734

അപേക്ഷാഫോം ചുവടെ:

ഗ്രീൻ വിഷൻ 2009 - അഖിലേന്ത്യാ പ്രകൃതി ഫോട്ടോ മത്സരം

പ്രിയരേ,

ഗ്രീൻസിന്റെ ഇക്കൊല്ലത്തെ പ്രകൃതി ഫോട്ടോ മത്സരത്തിന്റെ, ഗ്രീൻ വിഷൻ 2009 - അഖിലേന്ത്യാ പ്രകൃതി ഫോട്ടോ മത്സരം - പ്രവേശന ഫോറം ചുവടെക്കൊടുക്കുന്നു. ദയവായി ഈ സംരംഭത്തിന്റെ ഭാഗമാവുക. നിയമാവലിയും വിശദവിവരങ്ങളും ഇവിടെ.
pdf രൂപം ഇ മെയിലിൽ ലഭിക്കാൻ ബന്ധപ്പെടുക:greenskerala@gmail.com

അഭിവാദനങ്ങളോടെ,

സജി കെ.
സെക്രട്ടറി

ശ്രീ. അജിത്‌ കൊളാശ്ശേരിയും ശ്രീ. ഷാജു സി.കെ.യും

ഇന്റര്‍ ഇൻസ്റ്റിറ്റ്യൂഷണൽ ഗ്രീന്‍സ് ക്വിസ് 2009- ൽ ഗവണ്മെന്റ് സെക്രട്ടേറിയറ്റ് ജീവനക്കാരായ ശ്രീ. ഷാജു സി.കെ., ശ്രീ. അജിത്‌ കൊളാശ്ശേരി എന്നിവർ 77.5 മാർക്കോടെ ഒന്നാം സ്ഥാനം നേടി. വിവര- പൊതുജനസമ്പർക്ക വകുപ്പിലെ ശ്രീ അനിൽകുമാർ കെ.എസ്., ശ്രീമതി അഞ്ചു വി. അശോകൻ എന്നിവർക്ക് രണ്ടാം സ്ഥാനവും (52.5 മാർക്ക്), ഗവണ്മെന്റ് എഞ്ചിനീയറിങ് കോളെജിലെ ശ്രീ. ബാലു ജോൺ, ശ്രീ. രണ്ഡീർ ആർ. പ്രസാദ് എന്നിവർക്ക് മൂന്നാം സ്ഥാനവും (45 മാർക്ക്) ലഭിച്ചു.

കേരള യുനിവേർസിറ്റി അക്വാട്ടിക് ബയോളജി വിഭാഗം മേധാവി ഡോ. ബിജുകുമാർ ക്വിസ് മാസ്റ്റരായിരുന്നു.
ചിത്രങ്ങൾ: ശങ്കരനാരായണൻ ജി.

കൂടുതൽ ചിത്രങ്ങൾ: greenskerala യിൽ.

ഇന്റർ ഇൻസ്റ്റിറ്റ്യൂഷണൽ ഗ്രീൻസ് ക്വിസ് 2009

ഇക്കൊല്ലത്തെ ഇന്റർ ഇൻസ്റ്റിറ്റ്യൂഷണൽ ഗ്രീൻസ് ക്വിസ് ഏപ്രിൽ 22നു നടത്തുന്നു. അപേക്ഷാ ഫോമും മറ്റു വിവരങ്ങളും ചുവടെ കൊടുക്കുന്നു:

കിള്ളിയെ തേടി....

കരമനയാറിന്റെ പ്രധാന കൈവഴിയും തിരുവനന്തപുരം നഗരത്തിന്റെ സ്വന്തം നദിയുമായ കിള്ളിയാറിന്റെ ഉദ്ഭവം തേടി ഗ്രീന്‍സ് അംഗങ്ങള്‍ നടത്തിയ യാത്രയിലെ ദൃശ്യങ്ങള്‍

ഫോട്ടോ നന്ദകുമാര്‍

പച്ചമല ആദിവാസി കോളനി

ചെറുവേലി

പോറ്റിസ്സാറിനൊപ്പം

തീർത്ഥങ്കര

കരിഞ്ചാത്തിക്കുഴി

മൂന്നാനക്കുഴി